HomeNATIONALഭാര്യയെ ഭര്‍ത്താവ് കഴുത്ത് ഞെരിച്ചു കൊലപ്പെടുത്തി: യുവാവ് അറസ്റ്റില്‍

ഭാര്യയെ ഭര്‍ത്താവ് കഴുത്ത് ഞെരിച്ചു കൊലപ്പെടുത്തി: യുവാവ് അറസ്റ്റില്‍

മുംബൈ: വിവാഹേതര ബന്ധമുണ്ടെന്ന സംശയത്തെ തുടര്‍ന്ന് ഭാര്യയെ ഭര്‍ത്താവ് കൊലപ്പെടുത്തി. മുംബൈയിലാണ് സംഭവം. 32കാരനായ ഭര്‍ത്താവ് സൂരജ് ബാബറാണ് 28 കാരിയായ ഭാര്യ നയനയെ കൊലപ്പെടുത്തിയത്. സംഭവത്തില്‍ യുവാവിനെ പോലീസ് അറസ്റ്റ് ചെയ്തു. ഭാര്യക്ക് മറ്റൊരാളുമായി ബന്ധമുണ്ടെന്ന സംശയത്തെ തുടര്‍ന്ന് ഇരുവരും നിരന്തരം വഴക്കിട്ടിരുന്നു. കഴിഞ്ഞയാഴ്ച ഇരുവരും തമ്മില്‍ തര്‍ക്കമുണ്ടായതിനെ തുടര്‍ന്ന് സൂരജ് വീടുവിട്ടിറങ്ങിയിരുന്നു. തുടര്‍ന്ന് വെള്ളിയാഴ്ച വീട്ടില്‍ തിരിച്ചെത്തിയ സൂരജ് തുണികൊണ്ട് നയനയുടെ കഴുത്ത് ഞെരിക്കുകയായിരുന്നു. പിന്നീട് സൂരജ് തന്നെ അബോധാവസ്ഥയിലായ നയനയെ ആശുപത്രിയിലെത്തിച്ചു. എന്നാല്‍ വഴിമധ്യേ നയന മരിച്ചിരുന്നു. മരണത്തില്‍ അസ്വാഭാവിക തോന്നിയ ആശുപത്രി അധികൃതര്‍ പോലീസില്‍ വിവരം അറിയിക്കുകയായിരുന്നു. തുടര്‍ന്ന് നടത്തിയ ചോദ്യം ചെയ്യലില്‍ സൂരജ് കുറ്റം സമ്മതിച്ചു. സൂരജിന്റെ അറസ്റ്റ് രേഖപ്പെടുത്തിയതായി പോലീസ് പറഞ്ഞു.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments