കര്‍ണാടകയിലെ ഹാസന്‍ അരസിക്കെരെയിലാണ് സംഭവം. ബൈക്കില്‍ പോകുകയായിരുന്ന രാജഗോപാല്‍ നായിക്കിനും കുടുംബത്തിനു നേര്‍ക്ക് പൊന്തക്കാട്ടില്‍ നിന്നു പുലി ചാടി വീഴുകയായിരുന്നു.
ചാടി വീണ പുലി മകള്‍ കിരണിന്റെ കാലില്‍ കടിച്ചുവലിച്ചു. കിരണിനെ ആക്രമിക്കുന്നതു കണ്ടതോടെ രാജഗോപാല്‍ പുലിയുടെ കഴുത്തില്‍ പിടിമുറുക്കി. പുലി തനിക്കു നേരെ തിരിഞ്ഞിട്ടും മുഖത്തു മുറിവേറ്റു രക്തം വാര്‍ന്നൊഴുകിയിട്ടും പിടിവിട്ടില്ല.
ഒടുവില്‍ പുലി ചത്തുവീണു. പുലി ചത്തുകിടക്കുന്നതിന്റെയും നാട്ടുകാര്‍ ഓടിക്കൂടുന്നതിന്റെയും ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചിരുന്നു. പുലിയുടെ ആക്രമണത്തില്‍ രാജഗോപാലിന്റെ ഭാര്യ ചന്ദ്രമ്മ പരുക്കേല്‍ക്കാതെ രക്ഷപ്പെട്ടു
